الشيــــرب

 الشيــــــــــــــــــــــرب

الشيرب

الشيرب هو أساس أعمال التشطيب وبدونه لا يمكن تنفيذ أي شيء سواء تركيب البلاط أو الأسقف المعلقة أو أعمال السباكة والكهرباء أو تحديد فتحات الأبواب والنوافذ. .. .. إلخ.

ماهوالشرب؟ وطريقه تحديده ؟الادوات المستخدمه؟

ما هو الشيرب ؟؟

يعني ايه شيرب ! الشرب هو عباره عن خط افقي تماما يعلو منسوب تشطيب الارضيات بمقاس ثابت وهو يعتبر من النقط المرجعيه اللي ذكرناها في النصائح اللي قي مقال التشطيبات. ويتم تحديده بمثلث مقلوب علي الحوائط اثناء العمل ويكون منسوب الشرب هو قاعده المثلث المقلوب لكي يتم تنسيب اعمال التشطيبات منه.

كيف يتم تحديد الشيرب ؟؟

 اولاً من خلال معرفه الصفر المعماري عندي وغالبا ما يكون منسوب الرصيف بالشارع بحدد من عليه ارتفاع 1.10م وبعد كده انقله للداخل .

الشرب من الصفر المعماري 

ثانيا عن طريق تحديد الارتفاع الصافي للادوار بحيث اقسط عليه درج السلم وبكده نقدر نحدد شيرب الدور الارضي  وغالبا ما يكون 1.10 يزيد اويقل من 2الي 3 سم  ومن الشرب اللي حددته اقيس ارتفاع يساوي ارتفاع الدور الارضي علشان احدد شيرب الدور المتكرر ولازم جدا اراجع الشيرب في الدور كله حتي لايتعارض مع خرسانة بلاطه الدور. ولو شقه والسلم متشطب يبقي تمام اخد مستوي 1م من التشطيب وانقله جوه الشقه بس الاول لازم اراجعه مع دخله ماسورة الصرف والبيبه .

كيف يتم نقل الشيرب ؟؟

بيتم نقل الشيرب داخل الشقه ونقوم بعمل الشرب (علامه المثلث المقلوب) علي جميع الحوائط  داخل الشقه ويفضل ان تكون الاماكن ظاهره وغير معرضه للازاله اثناء العمل  عن طريق ميزان الخرطوم اوميزان القامه او ميزان الليزر وفي طرق اخري لكن يتعبر افضلهم ما سبق ذكرهم. ويوجد ادوات متعدده لنقل الشيرب ولكن سنتكلم عن اشهر طريقتين في نقل الشيرب وهما: 

1- ميزان الخرطوم : ده بيكون عباره عن خرطوم شفاف ومرن مصنوع من البلاستيك يتم ملئ الخرطوم بالمياه والتاكد من خلوها من فقاعات الهواء.طوله لايقل عن 15م ويكون قطره من 7-10 مم

ميزان الخرطوم

 

طريقه النقل بميزان الخرطوم: نقوم بامساك طرفي الخرطوم والتاكد ان المياه ثابته في الطرفين يتم تثبيت مستوي مياه الطرف الاول علي الشرب والتاكد من ثبوتها وعدم تحرك المياه صعودا وهبوطا في الخرطوم وفي نفس اللحظه يكون الطرف الاخر مثبت علي الحائط او المكان المراد تحديد الشرب عليه وحين نتاكد من ثبوت المياه يتم وضع علامةالشرب عند الطرف الثاني وهو الشرب الجديد.

نقل الشيرب بميزان الخرطوم

لازم تخلي بالك وانت بتنقل الشيرب ان الخرطوم مش متني او معصور او حد ضاغط عليه وانه خالي تماما من الفقاعات الهوائيه  علشان تتاكد من صحة القراءه. 

فكره عمل ميزان الخرطوم : تعتبر فكره عمل ميزان الخرطوم هي نظريه الاواني المستطرقه وهي بأختصار  تنص على أن السائل الموجود في أواني متصلة ببعضها البعض سيصل إلى نفس المستوى في جميع الأواني، بغض النظر عن شكل أو حجم الأواني.

توضيح نظريه الاواني المستطرقه 

 

2- ميزان الليزر: و هو جهاز قياس يعتمد على شعاع الليزر لتحديد المستوى الأفقي والرأسي بدقة عالية. يُستخدم في مجموعة واسعة من التطبيقات، بدءًا من أعمال البناء والتشييد، مرورًا بالديكور والنجارة، وصولًا إلى التركيبات المنزلية البسيطة.

طريقه عمل ميزان الليزر : يُصدر ميزان الليزر شعاعًا ضوئيًا دقيقًا جدًا. عندما يُوجّه هذا الشعاع على سطح ما، يُشكّل خطًا مستقيمًا أو نقطة. يُستخدم هذا الخط أو النقطة كمرجع لتحديد المستوى الأفقي أو الرأسي، أو لنقل نقطة من مكان لآخر بعض أنواع موازين الليزر تُصدر خطوطًا أفقية ورأسية في آن واحد، مما يُسهّل عملية القياس والتحديد بشكل كبير. 

ميزان الليزراثناء تثبيت العلب المعلقه للمطبخ

ميزان الليزرونقل الشيرب

 

مميزات ميزان الليزر:

• الدقة العالية: يُوفّر دقة قياس أعلى بكثير من الطرق التقليدية كاستخدام ميزان الماء.
• السرعة والسهولة: يُسهّل ويسرّع عملية تحديد المستوى والاستقامة، مما يُوفّر الوقت والجهد.
• المدى الواسع: بعض الأنواع قادرة على تغطية مسافات طويلة، خاصةً مع استخدام جهاز استقبال، مما يجعلها مناسبة للمشاريع الكبيرة.
• التنوع: يتوفر العديد من الأنواع والموديلات التي تُناسب مختلف الاحتياجات والميزانيات.
• التسوية الذاتية (Self-Leveling): معظم موازين الليزر الحديثة تتميز بخاصية التسوية الذاتية، حيث تُعدّل وضع الليزر تلقائيًا ضمن نطاق معين لضمان دقة القياس.

لذلك يعتبر ميزان الليزر افضل  الطرق لنقل الشيرب  وممكن تعرف اكتر عن انواع الموازين وازاي تختار الافضل وطريقه الاستخدام في مقالنا التالي دليلك الشامل لاختيارواستخدام جهاز ميزان الليزر.

استخدامات الشيرب

يستخدم الشيرب في : 

•  ضبط منسوب البيبه والميول لمواسير صرف الحمامات والمطابخ والتكييف.
• ظبط منسوب علب الكهرباء (من اجل الفرش والديكور والشكل الجمالي).
• ضبط مستوي الارضيات.
• ضبط مستوي العلب والوحدات المعلقه مثل الارفف ووحدات المطبخ والحمام.
• ضبط مستوي الاعتاب من اجل فتحات الابواب والشبابيك مهم جدا لمنع حدوث تكسير اثناء التركيب وخصوصا مع الابواب الجاهزه لانها بتركب في المرحله النهائيه من التشطيب .
• ظبط مستوي الاسقف المعلقه علي ارتفاع معين من الارضيه .

عزيزي القارئ سواء كنت متخصص في التشطيبات اوعميل بتشطب شقتك او وحدتك بنفسك لازم تعمل بالنصائح التاليه :

1. اللي يحدد الشيرب المهندس اوالمسوؤل عن التشطيبات ويفضل في وجود السباك لان بصراحه مطلقه هنحترم البيبه ومستوي دخول ماسوره الصرف للوحده .
2. الشرب بيتم تحديده مره واحده وكله بيمشي عليه وكل بند يتاكد من الشرب قبل الشغل لكن ممنوع اي مقاول او صنايعي يحدد الشرب من البدايه ويقول لحضرتك انا مليش دعوه بالشرب اللي موجود بتحصل كوارث بعد.
3. لو قالك الشيرب فيه مشكله بلغه الصنايعيه بيقولك الشرب مش مسلكني لازم تتاكد مره واتنين من الكلام اللي بيقوله الاول قبل ما ترجع تحدد الشيرب من البدايه.

توضيح هام  

كل موقع ليه ظروفه وحالته الخاصه ممكن يكون وضع الشيرب عندك حاله شاذه عن الطرق دي لاسباب اخري مثلا السلم متشطب ولكن مستواه اعلي من دخول الصرف يبقي هنا لازم احترم الاعلي وهو السلم  علشان الشقه متبقاش اوطي من بسطه السلم ولو الفرق ده بسيط ممكن افصل بينهم بعتبه رخام وممكن يحصل العكس يبقي احترم البيبه وفي الحاله دي هفصل الشقه عن منسوب بسطه  السلم بعتبه رخام  وحالات اخري .

 باختصار شديد عمليه تحديد الشيرب رغم سهولتها الا انها مهمه جداََ في مراحل التشطيبات وعلشان كده لازم تهتم بيها جداً.